ਐੱਮਐੱਸਐੱਮਈ ਮੰਤਰਾਲੇ ਅਤੇ ਪੀਐੱਚਡੀ ਚੈਂਬਰ ਨੇ ਕੀਤਾ ਜਾਗਰੂਕਤਾ ਪ੍ਰੋਗਰਾਮ ਦਾ ਆਯੋਜਨ
ਪਟਿਆਲਾ। ਭਾਰਤ ਸਰਕਾਰ ਦੇ ਐਮਐਸਐਮਈ ਮੰਤਰਾਲੇ, ਰਾਸ਼ਟਰੀ ਐਸਸੀ/ਐਸਟੀ ਹੱਬ ਲੁਧਿਆਣਾ ਅਤੇ ਪੀਐਚਡੀ ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੇ ਸਾਂਝੇ ਸਹਿਯੋਗ ਹੇਠ ਪਟਿਆਲਾ ਵਿੱਚ ਇੰਟਰਪ੍ਰੀਨਿਓਰ ਅਵੇਅਰਨੈੱਸ ਅਤੇ ਸਪੈਸ਼ਲ ਵੈਂਡਰ ਡਿਵੈਲਪਮੈਂਟ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।
ਇਹ ਸਮਾਗਮ ਮੌਜੂਦਾ ਅਤੇ ਉਭਰਦੇ ਐਸਸੀ/ਐਸਟੀ ਇੰਟਰਪ੍ਰੀਨਿਓਰਜ਼ ਵਿੱਚ ਅਵੇਅਰਨੈੱਸ ਪੈਦਾ ਕਰਨ ਅਤੇ ਐਸਸੀ/ਐਸਟੀ ਮਾਲਕੀ ਵਾਲੇ ਮਾਈਕ੍ਰੋ ਐਂਡ ਸਮਾਲ ਇੰਟਰਪ੍ਰਾਈਜਸ ਨੂੰ ਪਬਲਿਕ ਖਰੀਦ ਵਿੱਚ ਹਿੱਸਾ ਲੈਣ ਵਿੱਚ ਮਦਦ ਕਰਨ ਦੇ ਉਦੇਸ਼ ਨਾਲ ਆਯੋਜਿਤ ਕੀਤਾ ਗਿਆ।
ਇਸ ਮੌਕੇ ਬੋਲਦਿਆਂ, ਪੀਐਚਡੀਸੀਸੀਆਈ ਦੀ ਸੀਨੀਅਰ ਰੀਜਨਲ ਡਾਇਰਕੈਟਰ, ਸ਼੍ਰੀਮਤੀ ਭਾਰਤੀ ਸੂਦ ਨੇ ਜਾਗਰੂਕਤਾ, ਕੈਪੇਸਿਟੀ ਬਿਲਡਿੰਗ ਅਤੇ ਸਰਕਾਰੀ ਸਪੋਰਟ ਸਿਸਟਮ ਤੱਕ ਪਹੁੰਚ ਰਾਹੀਂ ਐੱਸਸੀ/ਐੱਸਟੀ ਇੰਟਰਪ੍ਰੀਨਿਓਰਜ਼ ਨੂੰ ਮਜ਼ਬੂਤ ਕਰਨ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ।
ਪ੍ਰੋਗਰਾਮ ਵਿੱਚ, ਪੰਕਜ ਝਾਅ, ਸੰਯੁਕਤ ਨਿਰਦੇਸ਼ਕ, ਐਮਐਸਐਮਈ ਡੀਐਫਓ, ਲੁਧਿਆਣਾ ਨੇ ਵੱਖ-ਵੱਖ ਯੋਜਨਾਵਾਂ ਅਤੇ ਉਦਯਮ ਰਜਿਸਟ੍ਰੇਸ਼ਨ ਰਾਹੀਂ ਇੰਟਰਪ੍ਰਾਈਜ਼ ਨੂੰ ਫਾਰਮਲ ਬਣਾਉਣ ਦੇ ਫਾਇਦਿਆਂ ਬਾਰੇ ਦੱਸਿਆ।
ਸੂਰਜ ਭੂਸ਼ਣ, ਬ੍ਰਾਂਚ ਇੰਚਾਰਜ, ਰਾਸ਼ਟਰੀ ਐਸਸੀ-ਐਸਟੀ ਹੱਬ, ਲੁਧਿਆਣਾ ਨੇ ਰਾਸ਼ਟਰੀ ਐਸਸੀ-ਐਸਟੀ ਹੱਬ ਯੋਜਨਾ ਦੇ ਉਦੇਸ਼ਾਂ ਅਤੇ ਭਾਰਤ ਸਰਕਾਰ ਦੀ ਜਨਤਕ ਖਰੀਦ ਨੀਤੀ ਬਾਰੇ ਵਿਸਥਾਰ ਵਿੱਚ ਦੱਸਿਆ। ਇਸ ਮੌਕੇ ਸੰਯੁਕਤ ਡਾਇਰੈਕਟਰ, ਐਮਐਸਐਮਈ ਡੀਐਫਓ, ਲੁਧਿਆਣਾ ਪਿਯੂਸ਼ ਚਤੁਰਵੇਦੀ, ਡਿਪਟੀ ਡਾਇਰੈਕਟਰ/ਪੀ ਐਂਡ ਡੀ (ਪੀਪੀ), ਬੀਬੀਐਮਬੀ ਚੰਡੀਗੜ੍ਹ ਹਰਕਿਰਨਜੀਤ ਕੌਰ, ਡਿਪਟੀ ਡਾਇਰੈਕਟਰ/ਪੀ ਐਂਡ ਡੀ (ਟੀਐਸ), ਬੀਬੀਐਮਬੀ ਚੰਡੀਗੜ੍ਹ ਸੌਰਭ ਅਵਸਥੀ, ਜੂਨੀਅਰ ਸਹਾਇਕ, ਅਲਿਮਕੋ ਕਾਨਪੁਰ, ਮਨੀਸ਼ ਕੁਮਾਰ, ਮੈਨੇਜਰ (ਕੰਟਰੈਕਟਸ), ਆਈਓਸੀਐਲ ਪਾਣੀਪਤ ਰਿਫਾਇਨਰੀ, ਦੀਪਕ ਸ਼ਰਮਾ, ਸੀਨੀਅਰ ਟ੍ਰੇਨਰ, ਜੇਐਮ ਚੰਡੀਗੜ੍ਹ, ਯਸ਼ ਕੁਮਾਰ ਗਰਗ, ਏਜੀਐਮ ਐਸਬੀਆਈ ਐਲਐਚਓ ਪਟਿਆਲਾ, ਅਸ਼ੋਕ ਕੁਮਾਰ ਬਾਂਸਲ, ਚੀਫ਼ ਮੈਨੇਜਰ, ਐਸਬੀਆਈ ਐਲਐਚਓ ਪਟਿਆਲਾ ਸਮੇਤ ਕਈ ਪਤਵੰਤੇ ਮੌਜੂਦ ਸਨ।
