40 ਹਜ਼ਾਰ ਲੋਕਾਂ ਨੇ ਕੀਤਾ ਦੌਰਾ
ਚੰਡੀਗੜ੍ਹ। ਪੀਐਚਡੀ ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਵੱਲੋਂ ਆਯੋਜਿਤ ਚਾਰ ਦਿਨਾਂ 11ਵੀਂ ਇੰਸ ਆਊਟ ਆਰਕੀਬਿਲਡ ਪ੍ਰਦਰਸ਼ਨੀ ਸੋਮਵਾਰ ਨੂੰ ਸਮਾਪਤ ਹੋ ਗਈ। ਪੀਐਚਡੀਸੀਸੀਆਈ ਚੰਡੀਗੜ੍ਹ ਚੈਪਟਰ ਦੇ ਪ੍ਰਧਾਨ ਮਧੂਸੂਦਨ ਵਿਜ ਨੇ ਦੱਸਿਆ ਕਿ ਇੰਡੀਅਨ ਇੰਸਟੀਚਿਊਟ ਆਫ਼ ਆਰਕੀਟੈਕਟਸ, ਦ ਫਾਇਰ ਐਂਡ ਸਿਕਿਓਰਿਟੀ ਐਸੋਸੀਏਸ਼ਨ ਆਫ਼ ਇੰਡੀਆ, ਮਾਈਕ੍ਰੋ, ਸਮਾਲ ਐਂਡ ਮੀਡੀਅਮ ਐਂਟਰਪ੍ਰਾਈਜ਼ਿਜ਼ (ਐਮਐਸਐਮਈ), ਚੰਡੀਗੜ੍ਹ ਇਲੈਕਟ੍ਰੀਸਿਟੀ ਡਿਸਟ੍ਰੀਬਿਊਸ਼ਨ ਲਿਮਟਿਡ ਅਤੇ ਨੈੱਟਵਰਕ ਆਫ਼ ਪੀਪਲ ਫਾਰ ਕੰਸਟ੍ਰਕਸ਼ਨ ਦੇ ਸਹਿਯੋਗ ਨਾਲ ਆਯੋਜਿਤ ਇਸ ਸਮਾਗਮ ਦਾ ਲਗਭਗ 40 ਹਜ਼ਾਰ ਲੋਕਾਂ ਨੇ ਦੌਰਾ ਕੀਤਾ ਹੈ। ਪ੍ਰਦਰਸ਼ਨੀ ਵਿੱਚ ਲਗਭਗ 150 ਕਾਰੋਬਾਰੀਆਂ ਨੇ ਹਿੱਸਾ ਲਿਆ। ਪੀਐਚਡੀਸੀਸੀਆਈ ਦੀ ਸੀਨੀਅਰ ਖੇਤਰੀ ਨਿਰਦੇਸ਼ਕ ਭਾਰਤੀ ਸੂਦ ਨੇ ਦੱਸਿਆ ਕਿ ਸਮਾਪਤੀ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ ਰਾਜ ਸਭਾ ਮੈਂਬਰ ਸਤਨਾਮ ਸਿੰਘ ਸੰਧੂ ਨੇ ਬੈਸਟ ਇਨੋਵੇਸ਼ਨ ’ਚ ਜੇਤੂ ਲਾ-ਐਸਪਦਾ, ਉਪ ਜੇਤੂ ਬੁਰਕਾਨ ਇੰਜੀਨੀਅਰਿੰਗ, ਬੈਸਟ ਡਿਸਪਲੇਅ ’ਚ ਪੋਲੀਕੈਬ ਇੰਡਸਟਰੀ ਨੂੰ ਜੇਤੂ ਅਤੇ ਗਲਾਸ ਪੈਲੇਸ ਨੂੰ ਉਪ ਜੇਤੂ, ਬੈਸਟ ਫੁੱਟਫਾਲ ਦੇ ਲਈ ਜੇਤੂ ਦਾ ਅਵਾਰਡ ਟੋਸਟੇਮ ਅਤੇ ਉਪ ਜੇਤੂ ਦਾ ਅਵਾਰਡ ਵਿਵਾ ਲਾਈਫ ਸਟਾਈਲ ਨੂੰ ਦਿੱਤਾ।
ਭਾਰਤੀ ਸੂਦ ਨੇ ਦੱਸਿਆ ਕਿ ਚਾਰ ਦਿਨਾਂ ਦੌਰਾਨ, ਵਿਸ਼ਾ ਮਾਹਿਰਾਂ ਨੇ ਆਧੁਨਿਕ ਨਿਰਮਾਣ ਤਕਨੀਕਾਂ, ਅੱਗ ਸੁਰੱਖਿਆ, ਸੁਰੱਖਿਆ, ਰੀਅਲ ਅਸਟੇਟ, ਫਰਨੀਚਰ ਅਤੇ ਸਜਾਵਟ ਸਮੇਤ ਵੱਖ-ਵੱਖ ਵਿਸ਼ਿਆਂ ਤੋਂ ਇਲਾਵਾ ਪੀਐਮ ਸੂਰਿਆ ਘਰ ਯੋਜਨਾ, ਚੰਡੀਗੜ੍ਹ ਪ੍ਰਸ਼ਾਸਨ ਵੱਲੋਂ ਸ਼ੁਰੂ ਕੀਤੀ ਗਈ ਰੈਂਪ ਯੋਜਨਾ ’ਤੇ ਆਯੋਜਿਤ ਸੈਮੀਨਾਰ ਰਾਹੀਂ ਇੱਥੇ ਆਉਣ ਵਾਲੇ ਲੋਕਾਂ ਨੂੰ ਜਾਗਰੂਕ ਕੀਤਾ।
