ਇਲਾਜ ਵਿੱਚ ਦੇਰੀ ਹੋਰ ਮੁਸ਼ਕਿਲਾਂ ਪੈਦਾ ਕਰਕੇ ਜਾਨਲੇਵਾ ਸਿੱਧ ਹੋ ਸਕਦੀ ਸੀ
ਚੰਡੀਗੜ੍ਹ,19 ਅਗਸਤ: ਫੋਰਟਿਸ ਹਾਸਪਿਟਲ ਮੋਹਾਲੀ ਦੇ ਜਨਰਲ ਅਤੇ ਮਿਨੀਮਲ ਇਨਵੇਸਿਵ ਸਰਜਰੀ ਵਿਭਾਗ (ਲੈਪਰੋਸਕੋਪਿਕ ਅਤੇ ਰੋਬੋਟਿਕ) ਨੇ ਦੁਨੀਆ ਦੇ ਸਭ ਤੋਂ ਐਡਵਾਂਸ ਫੋਰਥ ਜਨਰੇਸ਼ਨ ਰੋਬੋਟ – ਦਾ ਵਿੰਚੀ ਇਲੈਵਨ (Da Vinci Xi )ਰਾਹੀਂ ਕੰਮਪਲੈਕਸ ਹਰਨੀਆ ਤੋਂ ਪੀੜਤ ਕਈ ਬਜ਼ੁਰਗ ਮਰੀਜ਼ਾਂ ਨੂੰ ਇੱਕ ਨਵਾਂ ਜੀਵਨ ਦਿੱਤਾ ਹੈ। ਸਾਰੇ ਮਾਮਲਿਆਂ ਵਿੱਚ, ਸਮੇਂ ਸਿਰ ਦਖਲਅੰਦਾਜ਼ੀ ਬਹੁਤ ਜ਼ਰੂਰੀ ਸੀ, ਕਿਉਂਕਿ ਦੇਰੀ ਨਾਲ ਗੰਭੀਰ ਪੇਚੀਦਗੀਆਂ ਵੀ ਹੋ ਸਕਦੀਆਂ ਸਨ , ਜਾਨ ਦਾ ਜੋਖਮ ਵੀ ਸੀ । ਪਹਿਲੇ ਮਾਮਲੇ ਵਿੱਚ, ਇੱਕ 80 ਸਾਲਾ ਵਿਅਕਤੀ ਨੂੰ ਪੇਟ ਵਿੱਚ ਬਹੁਤ ਦਰਦ ਹੋ ਰਿਹਾ ਸੀ , ਸੋਜਿਸ਼ ਸੀ ਅਤੇ ਦਿਲ ਦੀ ਧੜਕਣ ਵੀ ਤੇਜ ਹੋ ਗਈ ਸੀ। ਪਹਿਲਾਂ ਉਸਦੀ ਹਰਨੀਆ ਦੀ ਸਰਜਰੀ ਹੋਈ ਸੀ ਪਰ ਵਾਰ-ਵਾਰ ਇਨਫੈਕਸ਼ਨ ਦੇ ਕਾਰਨ ਉਸਦੀ ਹਾਲਤ ਹੋਰ ਵਿਗੜ ਰਹੀ ਸੀ । ਕਈ ਹਸਪਤਾਲਾਂ ਵਿਚ ਇਲਾਜ ਦੇ ਬਾਵਜੂਦ, ਉਸਦੀ ਵੱਡੀ ਉਮਰ ਕਾਰਨ ਵਾਰ-ਵਾਰ ਸਰਜਰੀ ਨਾਂ ਕਰਨ ਦੀ ਸਲਾਹ ਦਿੱਤੀ ਗਈ।
ਮਰੀਜ਼ ਦੀ ਤਕਲੀਫ ਬਰਦਾਸ਼ਤ ਤੋਂ ਬਾਹਰ ਹੋ ਗਈ ਸੀ ਫੇਰ ਉਹ ਫੋਰਟਿਸ ਹਾਸਪਿਟਲ ਮੋਹਾਲੀ ਵਿਖੇ ਡਾ. ਇਕਬਾਲ ਸਿੰਘ, ਸੀਨੀਅਰ ਕੰਸਲਟੈਂਟ ਐਂਡ ਲੈਪਰੋਸਕੋਪਿਕ ਸਰਜਰੀ ਨੂੰ ਮਿਲਿਆ। ਡਾ. ਸਿੰਘ ਨੇ ਉਸਦੀ ਸਥਿਤੀ ਦੀ ਜਾਂਚ ਕੀਤੀ ਅਤੇ ਰਿਕਰੈਂਟ ਇਨਗੁਇਨਲ ਹਰਨੀਆ ਦਾ ਨਿਦਾਨ ਕੀਤਾ – ਅਜਿਹੀ ਸਤਿਥੀ ਜਦੋਂ ਟਿਸ਼ੂਸ ਅਬਡੋਮਿਨਲ ਵਾਲ ਵਿੱਚ ਖਾਸ ਕਰਕੇ ਗ੍ਰੋਇਨ ਏਰੀਆ ( ਕਮਰ ਏਰੀਆ) ਵਿੱਚ ਜਾਂ ਪਹਿਲਾਂ ਕੀਤੀ ਗਈ ਸਰਜਰੀ ਵਾਲੀ ਥਾਂ ‘ਤੇ ਇੱਕ ਓਪਨਿੰਗ ਰਾਹੀਂ ਬਾਹਰ ਨੂੰ ਧੱਕੇ ਜਾਂਦੇ ਹਨ । ਇਲਾਜ ਵਿੱਚ ਦੇਰੀ ਨਾਲ ਅੰਤੜੀਆਂ ਵਿੱਚ ਰੁਕਾਵਟ ਹੋ ਸਕਦੀ ਸੀ (ਬਲੋਕੇਜ ਜੋ ਭੋਜਨ ਅਤੇ ਤਰਲ ਪਦਾਰਥਾਂ ਨੂੰ ਅੰਤੜੀਆਂ ਵਿੱਚ ਪਚਣ ਤੋਂ ਰੋਕਦੀ ਹੈ) ਇੱਕ ਸੰਭਾਵੀ ਘਾਤਕ ਪੇਚੀਦਗੀ ਹੋ ਸਕਦੀ ਸੀ , ਤੁਰੰਤ ਇਲਾਜ਼ ਦੀ ਲੋੜ ਸੀ । ਇਸ ਮਾਮਲੇ ਦੀ ਜਟਿਲਤਾ ਦੇ ਬਾਵਜੂਦ, ਡਾ. ਸਿੰਘ ਨੇ ਰੋਬੋਟ ਦੀ ਸਹਾਇਤਾ ਦੇ ਨਾਲ ਹਰਨੀਆ ਰਿਪੇਅਰ ਸਰਜਰੀ ਕਰਨ ਦਾ ਫੈਸਲਾ ਕੀਤਾ। ਮਰੀਜ਼ ਦੀ ਸਰਜਰੀ ਤੋਂ ਬਾਅਦ ਸੁਚਾਰੂ ਰਿਕਵਰੀ ਹੋਈ ਅਤੇ ਪ੍ਰੋਸੀਜ਼ਰ ਦੇ ਅਗਲੇ ਹੀ ਦਿਨ ਉਸਨੂੰ ਛੁੱਟੀ ਦੇ ਦਿੱਤੀ ਗਈ। ਉਹ ਠੀਕ ਹੋ ਗਿਆ ਹੈ ਅਤੇ ਅੱਜ ਇੱਕ ਆਮ ਜ਼ਿੰਦਗੀ ਜੀ ਰਿਹਾ ਹੈ।
ਇੱਕ ਹੋਰ ਮਾਮਲੇ ਵਿੱਚ, ਇੱਕ 88 ਸਾਲਾ ਮਹਿਲਾ ਕੰਮਪਲੈਕਸ ਪਿੱਤੇ ਦੀ ਪੱਥਰੀ (ਗਾਲ ਸਟੋਨ ) ਦੇ ਨਾਲ ਲਾਰਜ ਇੰਸੀਜਨਲ ਹਰਨੀਆ ਦੀ ਬਿਮਾਰੀ (ਇੱਕ ਸਰਜੀਕਲ ਨਿਸ਼ਾਨ ਰਾਹੀਂ ਟਿਸ਼ੂ ਦਾ ਫੁੱਲਣਾ) ਤੋਂ ਪੀੜਿਤ ਸੀ । ਡਾ. ਸਿੰਘ ਨੇ ਰੋਬੋਟ ਦੀ ਸਹਾਇਤਾ ਨਾਲ ਇੰਸੀਜਨਲ ਹਰਨੀਆ ਰਿਪੇਅਰ ਅਤੇ ਰੋਬੋਟ ਦੀ ਸਹਾਇਤਾ ਨਾਲ ਕੋਲੇਸਿਸਟੇਕਟੋਮੀ ਸਰਜਰੀ ਕੀਤੀ ( ਗਾਲ ਬਲੈਡਰ ਨੂੰ ਹਟਾਉਣਾ) । ਮਰੀਜ਼ ਦੀ ਹਾਲਤ ਵਿਚ ਕਾਫੀ ਸੁਧਾਰ ਆਇਆ ਅਤੇ ਪ੍ਰੋਸੀਜਰ ਤੋਂ ਤਿੰਨ ਦਿਨਾਂ ਬਾਅਦ ਉਸਨੂੰ ਛੁੱਟੀ ਦੇ ਦਿੱਤੀ ਗਈ।
ਇਸ ਨਵੇਂ ਵਿਕਾਸ ਬਾਰੇ ਬੋਲਦਿਆਂ, ਡਾ. ਸਿੰਘ ਨੇ ਕਿਹਾ, “ਅਸੀਂ ਇਨਗੁਇਨਲ ਹਰਨੀਆ ਲਈ ਰੋਬੋਟ-ਏਡਿਡ ਟੀਈਪੀ (ਟੋਟਲੀ ਐਕਸਟਰਾਪੇਰੀਟੋਨੀਅਲ) ਰਿਪੇਅਰ ਵੀ ਕੀਤੀ ਹੈ। ਇਹ ਐਡਵਾਂਸ ਟੈਕਨੋਲੋਜੀ ਅਬਡੋਮਿਨਲ ਕੇਵਿਟੀ ਵਿੱਚ ਦਾਖਲ ਹੋਏ ਬਿਨਾਂ ਕੀਤੀ ਜਾਂਦੀ ਹੈ, ਜਿਸ ਨਾਲ ਪੇਟ ਦੇ ਅੰਦਰ ਪੇਚੀਦਗੀਆਂ ਦੇ ਜੋਖਮ ਨੂੰ ਘਟਾਇਆ ਜਾਂਦਾ ਹੈ। ਅਜਿਹੀਆਂ ਵਿਸ਼ਵ ਪੱਧਰੀ ਉੱਨਤ ਤਕਨੀਕਾਂ ਫੋਰਟਿਸ ਮੋਹਾਲੀ ਵਰਗੇ ਕੁਝ ਚੋਣਵੇਂ ਕੇਂਦਰਾਂ ‘ਤੇ ਉਪਲਬਧ ਹਨ।”
ਰੋਬੋਟ-ਅਸਿਸਟਡ ਸਰਜਰੀ ਦੇ ਫਾਇਦਿਆਂ ਬਾਰੇ, ਡਾ. ਸਿੰਘ ਨੇ ਅੱਗੇ ਕਿਹਾ, “ਰੋਬੋਟ-ਅਸਿਸਟਡ ਸਰਜਰੀ ਨੇ ਮਿਨੀਮਮ ਇਨਵੇਸਿਵ ਸਰਜਰੀ ਦੇ ਖੇਤਰ ਨੂੰ ਪੂਰੀ ਤਰਾਂ ਬਦਲ ਦਿੱਤਾ ਹੈ। ਇਹ ਤਕਨਾਲੋਜੀ ਮਰੀਜ਼ ਦੇ ਸਰੀਰ ਵਿੱਚ ਪਾਏ ਗਏ ਇੱਕ ਵਿਸ਼ੇਸ਼ ਕੈਮਰੇ ਰਾਹੀਂ ਆਪਰੇਟਿਵ ਏਰੀਆ ਦਾ 3D ਵਿਉ ਪ੍ਰਦਾਨ ਕਰਦੀ ਹੈ। ਰੋਬੋਟ-ਅਸਿਸਟਡ ਹੱਥ ਮਨੁੱਖੀ ਹੱਥ ਦੀ ਤੁਲਨਾ ਵਿਚ ਵਧੇਰੇ ਨਿਪੁੰਨਤਾ ਦਾ ਪ੍ਰਦਰਸ਼ਨ ਕਰਦੇ ਹਨ, ਜੋ 360 ਡਿਗਰੀ ਘੁੰਮ ਸਕਦੇ ਹਨ। ਰੋਬੋਟ-ਅਸਿਸਟਡ ਸਰਜਰੀ ਦੌਰਾਨ ਖੂਨ ਕਾਫੀ ਘਟ ਨਿਲਕਦਾ ਹੈ , ਹਸਪਤਾਲ ਵਿੱਚ ਘਟ ਸਮੇਂ ਲਈ ਰਹਿਣਾ ਪੈਂਦਾ ਹੈ ਅਤੇ ਰਿਕਵਰੀ ਵੀ ਤੇਜੀ ਨਾਲ ਹੁੰਦੀ ਹੈ।”
