ਅਮਰੀਕਾ ਵਿੱਚ ਲਾਂਚ ਹੋਏ ‘ਸਾਈ ਬਾਬਾ ਪੀਸ ਅਵਾਰਡਜ਼’
ਚੰਡੀਗੜ੍ਹ, 10 ਸਤੰਬਰ : ਰਾਸ਼ਟਰੀ ਪ੍ਰੈੱਸ ਕਲੱਬ, ਵਾਸ਼ਿੰਗਟਨ ਡੀ.ਸੀ. ਵਿੱਚ ਪਹਿਲੀ ਵਾਰ ਇਕ ਭਾਰਤੀ ਆਧਿਆਤਮਿਕ ਸੁਰ ਗੂੰਜਿਆ, ਜਦੋਂ ਚੰਡੀਗੜ੍ਹ ਦੇ ਔਸ਼ਿਮ ਖੇਤਰਪਾਲ ਨੇ ‘ਸਾਈ ਬਾਬਾ ਪੀਸ ਅਵਾਰਡਜ਼’ ਦੀ ਘੋਸ਼ਣਾ ਕੀਤੀ। ਇਹ ਸਨਮਾਨ ਵਿਸ਼ਵ ਸ਼ਾਂਤੀ, ਦਇਆ ਤੇ ਮਨੁੱਖਤਾ ਨੂੰ ਸਮਰਪਿਤ ਹੈ ਅਤੇ ਇਸਨੂੰ ਨੋਬਲ ਸ਼ਾਂਤੀ ਪੁਰਸਕਾਰ ਦਾ ਆਧਿਆਤਮਿਕ ਵਿਕਲਪ ਮੰਨਿਆ ਜਾ ਰਿਹਾ ਹੈ।
ਕਾਰਜਕ੍ਰਮ ਵਿੱਚ ਹਾਰਵਰਡ ਸਕਾਲਰ ਅਤੇ ਦੋ ਵਾਰ ਨੋਬਲ ਸ਼ਾਂਤੀ ਪੁਰਸਕਾਰ ਲਈ ਨਾਮਜ਼ਦ ਰਹੇ ਬਾਰਟ ਐਸ. ਫ਼ਿਸ਼ਰ, ਅੰਤਰਰਾਸ਼ਟਰੀ ਰਿਲੇਸ਼ਨ ਸਟ੍ਰੈਟਜਿਸਟ ਤੇ ਸਮਾਜਸੇਵੀ ਡਾ. ਸੰਜਨਾ ਜਾਨ ਸਮੇਤ ਕਈ ਪ੍ਰਤਿਸ਼ਠਿਤ ਹਸਤੀਆਂ ਹਾਜ਼ਰ ਸਨ। ਇਸ ਮੌਕੇ ‘ਤੇ ਅੰਤਰਰਾਸ਼ਟਰੀ ਮੀਡੀਆ ਨਾਲ ਗੱਲਬਾਤ ਅਤੇ ਵਿਸ਼ੇਸ਼ ਪੌਡਕਾਸਟ ਵੀ ਆਯੋਜਿਤ ਕੀਤੇ ਗਏ।
ਖੇਤਰਪਾਲ ਦਾ ਇਹ ਦੌਰਾ ਸਿਰਫ਼ ਇਕ ਅਮਰੀਕੀ ਯਾਤਰਾ ਨਹੀਂ, ਸਗੋਂ ਭਾਰਤੀ ਆਧਿਆਤਮਿਕਤਾ ਨੂੰ ਵਿਸ਼ਵ ਕੂਟਨੀਤੀ ਨਾਲ ਜੋੜਨ ਦਾ ਯਤਨ ਮੰਨਿਆ ਜਾ ਰਿਹਾ ਹੈ। ਉਨ੍ਹਾਂ ਨੇ ਭਾਰਤੀ ਦੂਤਾਵਾਸ, ਵਾਸ਼ਿੰਗਟਨ ਡੀ.ਸੀ. ਵਿੱਚ ਵੀ ਸ਼ਿਰਕਤ ਕੀਤੀ ਅਤੇ ਸੰਯੁਕਤ ਰਾਸ਼ਟਰ ਮੁੱਖ ਦਫ਼ਤਰ, ਨਿਊਯਾਰਕ ‘ਚ ਉਨ੍ਹਾਂ ਨੂੰ “ਸਪਿਰਿਚੁਅਲ ਡਿਪਲੋਮੇਸੀ ਅਤੇ ਹਿਊਮੈਨੀਟੇਰੀਅਨ ਸਰਵਿਸ” ਲਈ ਖ਼ਾਸ ਸਾਇਟੇਸ਼ਨ ਨਾਲ ਸਨਮਾਨਿਤ ਕੀਤਾ ਗਿਆ।
ਨਿਊਯਾਰਕ ਦੇ ਲਾਂਗ ਆਇਲੈਂਡ ਵਿੱਚ ਆਯੋਜਿਤ ਇਕ ਵੱਡੇ ਜਨਤਕ ਸਮਾਰੋਹ ਵਿੱਚ 900 ਤੋਂ ਵੱਧ ਉਦਯੋਗਪਤੀਆਂ, ਸਮਾਜਸੇਵੀਆਂ ਅਤੇ ਪਰੋਪਕਾਰੀਆਂ ਨੇ ਭਾਗ ਲਿਆ। ਇੱਥੇ ਖੇਤਰਪਾਲ ਨੇ ਕਿਹਾ ਕਿ “ਸਾਈ ਬਾਬਾ ਦੀਆਂ ਸਿੱਖਿਆਵਾਂ – ਸ਼ਰਧਾ ਅਤੇ ਸਭੂਰੀ – ਅੱਜ ਦੀ ਦੁਨੀਆ ਵਿੱਚ ਸ਼ਾਂਤੀ ਅਤੇ ਏਕਤਾ ਦੀ ਸਭ ਤੋਂ ਵੱਡੀ ਲੋੜ ਹਨ।”
ਖ਼ਾਸ ਤੌਰ ‘ਤੇ, ਸੰਯੁਕਤ ਰਾਸ਼ਟਰ ਦੇ ਕਾਨਫਰੈਂਸ ਹਾਲ ਵਿੱਚ ਆਉਣ ਵਾਲੇ ਮਹੀਨਿਆਂ ਵਿੱਚ ‘ਸਾਈ ਬਾਬਾ ਪੀਸ ਅਵਾਰਡਜ਼’ ਆਯੋਜਿਤ ਕਰਨ ਦਾ ਨਿਮੰਤਰਣ ਉਨ੍ਹਾਂ ਨੂੰ ਪ੍ਰਦਾਨ ਕੀਤਾ ਗਿਆ ਹੈ। ਇਹ ਪਹਿਲ ਫ਼ਰਵਰੀ-ਮਾਰਚ ਵਿੱਚ ਅਧਿਕਾਰਕ ਰੂਪ ਧਾਰ ਸਕਦੀ ਹੈ।
