ਮਾਲੇਰਕੋਟਲਾ 16 ਜੁਲਾਈ :ਏਕਤਾ ਹੈਂਡੀਕੈਪਡ ਐਡ ਵਿਧਵਾ ਵੈਲਫੇਅਰ ਸੁਸਾਇਟੀ ਮਾਲੇਰਕੋਟਲਾ ਪੰਜਾਬ ਰਜਿ:ਜੋ ਕਿ ਬੜੇ ਲੰਮੇ ਸਮੇ ਤੋ ਦਿਵਿਆਂਗਜਨਾਂ ਅਤੇ ਵਿਧਵਾਂ ਔਰਤਾਂ ਦੀ ਭਲਾਈ ਲਈ ਕੰਮ ਕਰਦੀ ਆ ਰਹੀ ਹੈ।ਸੁਸਾਇਟੀ ਵਲੋ ਇਨ੍ਹਾਂ ਲੋਕਾਂ ਦੀ ਭਲਾਈ ਲਈ ਜੋ ਵੀ ਸਰਕਾਰ ਵਲੋ ਸਕੀਮਾ ਚਲਾਈਆ ਜਾ ਰਹੀਆ ਹਨ। ਉਹਨਾਂ ਨੂੰ ਇਨ੍ਹਾਂ ਲੋਕਾਂ ਤੱਕ ਪਹੁੰਚਾਉਣ ਦਾ ਕੰਮ ਕਰ ਰਹੀ ਹੈ ਅਤੇ ਅਪਣੇ ਹੱਕਾਂ ਪ੍ਰਤੀ ਜਾਗਰੂਕ ਕਰ ਰਹੀ ਹੈ। ਇਸੇ ਤਰ੍ਹਾਂ ਜੋ ਦਿਵਿਆਂਗਜਨਾਂ ਅਤੇ ਵਿਧਵਾਂ ਔਰਤਾਂ ਨੂੰ ਸਮੱਸਿਆਵਾਂ ਆ ਰਹੀਆ ਹਨ ਉਹਨਾਂ ਨੂੰ ਸਰਕਾਰ ਦੇ ਧਿਆਨ ਵਿੱਚ ਲਿਆ ਕੇ ਉਸ ਨੂੰ ਹੱਲ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਤਾਂ ਜੋ ਇਹਨਾਂ ਨੂੰ ਕਿਸੇ ਤਰਾਂ ਦੀ ਕੋਈ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ।ਫਿਰ ਵੀ ਇਨ੍ਹਾਂ ਨੂੰ ਬਹੁਤ ਸਾਰੀਆ ਪ੍ਰੇਸ਼ਾਨੀਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਸਰਕਾਰ ਵੱਲੋ ਦਿਵਿਆਂਗਜਨ ਵਿਆਕਤੀਆਂ ਅਤੇ ਵਿਧਵਾਂ ਔਰਤਾਂ ਨਾਲ ਕੀਤੇ ਵਾਅਦੇ ਨਾ ਪੂਰੇ ਕਰਨ ਤੇ ਅੱਜ ਏਕਤਾ ਹੈਂਡੀਕੈਪਡ ਐਡ ਵਿਧਵਾ ਵੈਲਫੇਅਰ ਸੁਸਾਇਟੀ ਮਾਲੇਰਕੋਟਲਾ ਪੰਜਾਬ ਰਜਿ:ਵੱਲੋ ਪ੍ਰਧਾਨ ਸਟੇਟ ਐਵਾਰਡੀ ਮਹਿਮੂਦ ਅਹਿਮਦ ਥਿੰਦ ਮੈਬਰ ਸਟੇਟ ਐਡਵਾਇਜਰੀ ਬੋਰਡ ਡਿਸਏਬਿਲਟੀ ਸੈਲ ਪੰਜਾਬ ਦੀ ਪ੍ਰਧਾਨਗੀ ਹੇਠ ਡਿਪਟੀ ਕਮਿਸ਼ਨਰ ਦਫਤਰ ਦੇ ਬਾਹਰ ਧਰਨਾ ਲਗਾਇਆ ਗਿਆ।ਧਰਨਾਕਾਰੀਆ ਨੂੰ ਸੰਬੋਧਨ ਕਰਦਿਆ ਪ੍ਰਧਾਨ ਮਹਿਮੂਦ ਅਹਿਮਦ ਥਿੰਦ ਨੇ ਕਿਹਾ ਕਿ ਸਰਕਾਰ ਵੱਲੋ ਚੌਣਾ ਦੌਰਾਨ ਜੋ ਵਾਅਦਾ ਕੀਤਾ ਸੀ ਕਿ ਸਰਕਾਰ ਬਣਨ ਤੋ ਬਾਅਦ ਦਿਵਿਆਂਗਜਨ ਵਿਆਕਤੀਆਂ ਅਤੇ ਵਿਧਵਾਂ ਔਰਤਾਂ ਦੀ ਪੈਨਸ਼ਨ ਵਿੱਚ ਵਾਧਾ ਕਰਕੇ 1500 ਰੁਪਏ ਤੋ ਵਧਾਕੇ 2500 ਕੀਤੀ ਜਾਵੇਗੀ।ਪਰ ਅੱਜ ਸਰਕਾਰ ਦੇ ਸਾਢੇ ਤਿੰਨ ਸਾਲ ਦਾ ਸਮਾਂ ਬੀਤ ਜਾਣ ਤੇ ਵੀ ਪੈਨਸ਼ਨ ਵਿੱਚ ਕੋਈ ਵੀ ਵਾਧਾ ਨਹੀ ਕੀਤਾ ਇਸ ਲਈ ਅੱਜ ਇਹ ਧਰਨਾ ਲਗਾਕੇ ਸਰਕਾਰ ਤੋ ਮੰਗ ਕੀਤੀ ਕਿ ਜਲਦ ਤੋ ਜਲਦ ਪੈਨਧਨ ਵਿੱਚ ਵਾਧਾ ਕਰਕੇ ਦਿਿਵਆਂਗਜਨ ਵਿਆਕਤੀਆਂ ਅਤੇ ਵਿਧਵਾਂ ਔਰਤਾਂ ਨਾਲ ਕੀਤਾ ਗਿਆ ਵਾਅਦਾ ਪੂਰਾ ਕਰੇ।ਸੁਸਾਇਟੀ ਦੇ ਪ੍ਰਧਾਨ ਵੱਲੋ ਸੁਸਾਇਟੀ ਦੇ ਮੈਬਰਾਂ ਨੂੰ ਨਾਲ ਲੈ ਕੇ ਡਿਪਟੀ ਕਮਿਸ਼ਨਰ ਮਾਲੇਰਕੋਟਲਾ ਰਾਂਹੀ ਮੱੁਖ ਮੰਤਰੀ ਪੰਜਾਬ ਦੇ ਨਾਂ ਅਪਣੀਆ ਹੋਰ ਮੰਗਾ ਨੂੰ ਲੈਕੇ ਇੱਕ ਮੈਮੋਰੰਡਮ ਵੀ ਦਿੱਤਾ ਗਿਆ ਜਿਸ ਵਿੱਚ ਮੁੱਖ ਮੰਤਰੀ ਪੰਜਾਬ ਤੋਂ ਮੰਗ ਕੀਤੀ ਗਈ ਕਿ ਸਰਕਾਰ ਵੱਲੋ ਅਲੱਗ ਤੋਂ ਦਿਵਿਆਂਗਜਨ ਮੰਤਰਾਲਾ ਬਣਾਇਆ ਜਾਵੇ।ਪੰਚਾਇਤੀ ਰਾਜ,ਨਗਰ ਕੋਸ਼ਲ, ਨਗਰ ਨਿਗਮ,ਵਿਧਾਨ ਸਭਾ ਅਤੇ ਲੋਕ ਸਭਾ ਦੀਆ ਚੌਣਾਂ ਦੌਰਾਨ ਦਿਵਿਆਂਗਜਨ ਵਿਆਕਤੀਆਂ ਲਈ ਸੀਟਾ ਵਿੱਚ ਰਾਂਖਵਾਕਰਨ ਦਾ ਬਿੱਲ ਪਾਸ ਕੀਤਾ ਜਾਵੇ।ਸਰਕਾਰੀ ਅਤੇ ਪ੍ਰਾਈਵੇਟ ਵਿਭਾਗਾ ਵਿੱਚ ਦਿਵਿਆਂਗਜਨਾਂ ਦੀਆ ਜੋ ਅਸਾਮੀਆ ਖਾਲੀ ਹਨ। ਉਹਨਾਂ ਨੂੰ ਜਲਦ ਪੂਰਾ ਕੀਤਾ ਜਾਵੇ।ਦਿਵਿਆਂਗਜਨਾਂ ਲਈ ਵਿਸ਼ੇਸ਼ ਖੇਡ ਸਕੂਲ ਸਥਾਪਿਤ ਕੀਤੇ ਜਾਣ।ਰਾਜ ਵਿੱਚ ਸਲਾਹਕਾਰ ਸਮਿਤੀ ਦਾ ਗਠਨ ਕੀਤਾ ਜਾਵੇ ਅਤੇ ਦਿਿਵਆਂਗ ਅਧਿਕਾਰ ਅਧਿਨਯਮ ਨੂੰ ਪੂਰਨ ਰੂਪ ਵਿੱਚ ਲਾਗੂ ਕੀਤਾ ਜਾਵੇ।ਸਰਕਾਰ ਵੱਲੋ 40% ਦਿਵਿਆਂਗਜਨ ਵਿਆਕਤੀਆ ਨੂੰ ਸਰਕਾਰੀ ਨੌਕਰੀ ਅਤੇ ਇਸ ਤੋ ਇਲਾਵਾ ਸਾਰੀਆ ਸਹੂਲਤਾਂ ਦਿੱਤੀਆ ਜਾਂਦੀਆ ਹਨ ਪਰ ਇਨ੍ਹਾਂ ਨੂੰ ਸਰਕਾਰੀ ਪੈਨਸ਼ਨ ਦਾ ਲਾਭ ਨਹੀ ਦਿੱਤਾ ਜਾਂਦਾ 40% ਅੰਗਹੀਣ ਵਿਆਕਤੀਆ ਦੀ ਪੈਨਸ਼ਨ ਵੀ ਚਾਲੂ ਕੀਤੀ ਜਾਵੇ।ਦਿਵਿਆਂਗਜਨਾਂ ਦੀ ਕਲਰਕ ਅਤੇ ਸੇਵਾਦਾਰ ਦੀ ਸਿੱਧੀ ਭਰਤੀ ਕਰਨ ਲਈ ਪਹਿਲਾ ਦੀ ਤਰ੍ਹਾਂ ਨੂੰ ਅਧਿਕਾਰ ਦਿੱਤੇ ਜਾਣ ਜਿਸ ਨਾਲ ਪੜੇ ਲਿਖੇ ਬੇ-ਰੁਜਗਾਰ ਦਿਵਿਆਂਗਜਨਾਂ ਨੂੰ ਸਰਕਾਰੀ ਨੌਕਰੀ ਮਿਲ ਸਕੇ।ਪਿਛਲੇ ਪੰਜ ਸਾਲਾ ਤੋ ਕੱਚੇ ਤੌਰ ਤੇ ਸਰਕਾਰੀ ਅਦਾਰਿਆ ਵਿੱਚ ਕੰਮ ਕਰਦੇ ਦਿਵਿਆਂਗਜਨਾਂ ਨੂੰ ਪੱਕਾ ਕੀਤਾ ਜਾਵੇ। ਦਿਵਿਆਂਗਜਨਾਂ ਅਤੇ ਵਿਧਵਾਂ ਔਰਤਾਂ ਦੇ ਆਯੂਸਮਾਨ ਬੀਮਾ ਕਾਰਡ ਅਤੇ ਆਟਾ ਦਾਲ ਵਾਲੇ ਨੀਲੇ ਕਾਰਡ ਪੈਨਸ਼ਨ ਦੇ ਪੀ.ਐਲ.ਏ.ਨੰਬਰ ਦੇ ਅਧਾਰ ਤੇ ਬਣਾਏ ਜਾਣ।ਪੈਨਸ਼ਨ ਦੀ ਅਦਾਇਗੀ ਮਹੀਨੇ ਦੇ ਪਹਿਲੇ ਹਫਤੇ ਲਾਜ਼ਮੀ ਕੀਤੀ ਜਾਵੇ ਅਤੇ ਰਹਿੰਦੀ ਬਕਾਇਆ ਪੈਨਸ਼ਨ ਦਾ ਭੁਗਤਾਨ ਵੀ ਕਰਵਾਇਆ ਜਾਵੇ।ਪੈਨਸ਼ਨ ਫਾਰਮ ਵਿੱਚ ਸਲਾਨਾ ਆਮਦਨ ਅਤੇ ਪ੍ਰਾਪਰਟੀ ਦੀ ਸ਼ਰਤ ਖਤਮ ਕੀਤੀ ਜਾਵੇ।ਔਰਤਾਂ ਦੀ ਬੁਢਾਪਾ ਪੈਨਸ਼ਨ ਉਮਰ 58 ਸਾਲ ਤੋ ਘਟਾਕੇ 55 ਸਾਲ ਅਤੇ ਪੁਰਸ਼ਾ ਦੀ ਉਮਰ ਹੱਦ 65 ਸਾਲ ਤੋ ਘਟਾ ਕੇ 60 ਸਾਲ ਕੀਤੀ ਜਾਵੇ।ਦਿਵਿਆਂਗਜਨਾਂ ਨੂੰ ਪਹਿਲੀ ਕਲਾਸ ਤੋਂ ਲੈ ਕੇ ਬੀ.ਏ.ਤੱਕ ਦੀ ਮੁਫਤ ਸਿੱਖਿਆ ਦਿੱਤੀ ਜਾਵੇ। ਪੜੇ ਲਿਖੇ ਬੇ-ਰੁਜਗਾਰ ਦਿਵਿਆਂਗਜਨਾਂ ਨੂੰ ਜਦ ਤੱਕ ਸਰਕਾਰੀ ਨੌਕਰੀ ਨਹੀ ਮਿਲਦੀ ਉਦੋ ਤੱਕ ਇਹਨਾਂ ਨੂੰ ਸਰਕਾਰ ਵੱਲੋ ਗੁਜਾਰਾ ਭੱਤਾ ਦਿੱਤਾ ਜਾਵੇ।ਪਲਾਟ ਅਤੇ ਮਕਾਨ ਦੀ ਰਜਿਸਟਰੀ ਵਿੱਚ ਮਾਫੀ ਦਿੱਤੀ ਜਾਵੇ।ਇਹ ਧਰਨਾ ਲਗਾਤਾਰ ਢਾਂਈ ਘੰਟੇ ਚਲਦਾ ਰਿਹਾ ਇਸ ਦੌਰਾਨ ਕਿਸੇ ਵੀ ਪ੍ਰਸ਼ਾਂਸ਼ਨਿਕ ਅਧਿਕਾਰੀ ਵੱਲੋ ਇਨਾ ਦੀ ਨਾ ਤਾ ਸਾਰ ਲਈ ਗਈ ਅਤੇ ਨਾ ਹੀ ਕੋਈ ਅਧਿਕਾਰੀ ਮੈਮੋਰੰਡਮ ਲੈਣ ਲਈ ਅਇਆ ਇਹ ਸਭ ਦੇਖਦਿਆ ਸੁਸਇਟੀ ਮੈਂਬਰਾਂ ਵੱਲੋ ਸੜਕ ਤੇ ਜਾਮ ਲਾ ਦਿੱਤਾ ਗਿਆ।ਸੜਕ ਜਾਮ ਕਰਨ ਤੋਂ ਬਾਅਦ ਹੀ ਦਸ ਮਿੰਟਾਂ ਵਿੱਚ ਹੀ ਤਹਿਸੀਲਦਾਰ ਮੈਮੋਰੰਡਮ ਲੈਣ ਲਈ ਪਹੁੰਚ ਗਈ।ਤਹਿਸੀਲਦਾਰ ਦੇ ਮੈਮੋਰੰਡਮ ਲੈਣ ਤੋ ਬਾਅਦ ਧਰਨਾ ਚੱਕ ਦਿੱਤਾ ਗਿਆ ਅਤੇ ਪ੍ਰਧਾਨ ਵੱਲੋ ਕਿਹਾ ਗਿਆ ਕਿ ਜੇਕਰ ਸਾਡੀਆ ਇਹ ਮੰਗਾ ਨਾ ਮੰਨੀਆ ਗਈਆ ਤਾਂ ਇਸ ਸੰਘਰਸ਼ ਨੂੰ ਹੋਰ ਤੇਜ ਕੀਤਾ ਜਾਵੇਗਾ।ਇਸ ਮੌਕੇ ਮੁਹੰਮਦ ਜਾਹਿਦ ਮੀਤ ਪ੍ਰਧਾਨ,ਸ਼ਮੀਮ ਬੂਖਾਰੀ ਪ੍ਰੈਸ ਸੱਕਤਰ,ਇਮਰਾਨ ਪ੍ਰਚਾਰ ਸੱਕਤਰ,ਫਕੀਰ ਮੁਹੰਮਦ ਜੁਆਇੰਟ ਸੱਕਤਰ,ਯਾਸਮੀਨ,ਅਫਰਾਜ ਅਲੀ,ਆਦਿਲ,ਮੁਹੰਮਦ ਸ਼ਕੀਲ,ਪਰਮਜੀਤ ਸਿੰਘ,ਸ਼ਬੀਨਾ,ਸਾਜ਼ੀਆ,ਰਜੀਆ,ਬੀਲਾ ਖਾਂ,ਇਲਿਆਸ,ਮੁਹੰਮਦ ਸ਼ਕੀਲ ਬੇਰੀ ਵਾਲਾ,ਅਬਦੁਲ ਗਫਾਰ ਅਤੇ ਸਮੀਨਾ ਆਦਿ ਤੋ ਇਲਾਵਾ ਭਾਰੀ ਗਿਣਤੀ ਵਿੱਚ ਮੈਂਬਰ ਹਾਜਰ ਸਨ।