25 ਲੱਖ 30 ਹਜਾਰ ਰੁਪਏ ਨਕਦੀ, 19 ਮੋਬਾਇਲ ਫੋਨ, ਤਾਸ਼ ਦੇ ਪੱਤੇ, 7 ਕਾਰਾਂ ਅਤੇ ਇੱਕ ਐਕਟਿਵਾ ਬਰਾਮਦ
ਮੁਹਾਲੀ, (ਹਰਪ੍ਰੀਤ ਸਿੰਘ ਜੱਸੋਵਾਲ)- ਮੁਹਾਲੀ ਪੁਲਿਸ ਨੇ ਜੂਆ-ਸੱਟਾ ਖਿਡਾਉਣ ਅਤੇ ਧੋਖਾਧੜੀ ਕਰਨ ਵਾਲੇ 14 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਹਨਾਂ ਵਿਅਕਤੀਆਂ ਤੋੱ 25 ਲੱਖ 30 ਹਜਾਰ ਰੁਪਏ ਦੇ ਭਾਰਤੀ ਕਾਰੰਸੀ ਨੋਟ, 19 ਮੋਬਾਇਲ ਫੋਨ, ਤਾਸ਼ ਦੇ ਪੱਤੇ ਸਮੇਤ ਨੈਟ ਬੁੱਕ (ਪਰਚਾ ਬੁੱਕ), 7 ਕਾਰਾਂ ਅਤੇ ਇੱਕ ਐਕਟਿਵਾ ਬਰਾਮਦ ਕੀਤਾ ਗਿਆ ਹੈ। ਐਸ.ਐਸ.ਪੀ. ਹਰਮਨਦੀਪ ਸਿੰਘ ਹਾਂਸ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹਨਾਂ ਵਿਅਕਤੀਆਂ ਨੂੰ ਡੀ. ਆਈ. ਜੀ. ਰੋਪੜ ਰੇਂਜ ਹਰਚਰਨ ਸਿੰਘ ਭੁੱਲਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਪੰਜਾਬ ਸਰਕਾਰ ਵੱਲੋਂ ਨਸ਼ਾ ਤਸਕਰਾਂ ਅਤੇ ਸਮਾਜ ਵਿਰੋਧੀ ਮਾੜੇ ਅਨਸਰਾਂ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਤਹਿਤ ਕਾਬੂ ਕੀਤਾ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਇਹਨਾਂ ਵਿਅਕਤੀਆਂ ਨੂੰ ਥਾਣਾ ਜ਼ੀਰਕਪੁਰ ਦੇ ਮੁੱਖ ਅਫਸਰ ਇੰਸ ਸਤਿੰਦਰ ਸਿੰਘ ਅਤੇ ਪੁਲੀਸ ਟੀਮ ਵਲੋਂ ਗੁਪਤ ਸੂਚਨਾ ਦੇ ਆਧਾਰ ’ਤੇ ਕਾਬੂ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਨੂੰ ਇਤਲਾਹ ਮਿਲੀ ਸੀ ਕਿ ਕੇ. ਸੀ. ਰੋਇਲ ਹੋਟਲ, ਚੰਡੀਗੜ੍ਹ ਰੋਡ, ਜ਼ੀਰਕਪੁਰ ਦਾ ਮਾਲਕ ਸ਼ੈਂਟੀ ਆਪਣੇ ਮੈਨੇਜਰ ਨਾਲ ਰਲ ਕੇ ਆਪਣੇ ਹੋਟਲ ਦੀ ਤੀਸਰੀ ਮੰਜਲ ਤੇ ਭੋਲੇ ਭਾਲੇ ਲੋਕਾ ਨੂੰ ਜਿਆਦਾ ਮੁਨਾਫੇ ਦਾ ਲਾਲਚ ਦੇ ਕੇ ਧੋਖੇ ਨਾਲ ਸੱਟਾ ਖਿਡਾਉਣ ਦਾ ਕੰਮ ਕਰ ਰਿਹਾ ਹੈ। ਉਹਨਾਂ ਦੱਸਿਆ ਕਿ ਪੁਲਿਸ ਵਲੋਂ ਇਸ ਸੰਬੰਧੀ ਫੌਰੀ ਕਾਰਵਾਈ ਕਰਦਿਆਂ ਗੈਬਲਿੰਗ ਐਕਟ ਦੀ ਧਾਰਾ 3, 4 ਅਤੇ ਬੀ ਐਨ ਐਸ ਦੀ ਧਾਰਾ 318 (4) ਤਹਿਤ ਮਾਮਲਾ ਦਰਜ ਕਰਕੇ ਹੋਟਲ ਕੇ.ਸੀ ਰੋਇਲ ਵਿਖੇ ਰੇਡ ਕਰਕੇ 14 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਕਾਬੂ ਕੀਤੇ ਗਏ ਵਿਅਕਤੀਆਂ ਦੀ ਪਹਿਚਾਣ ਰਵੀ ਵਾਸੀ ਮੈਟਰੋ ਟਾਊਨ ਪੀਰ ਮੁਛੱਲਾ ਢਕੋਲੀ, ਸ਼ਿਵਮ ਵਾਸੀ ਸੈਕਟਰ 23 ਡੀ ਚੰਡੀਗੜ੍ਹ, ਅਨਿਲ ਕੁਮਾਰ ਵਾਸੀ ਸੈਕਟਰ 52 ਚੰਡੀਗੜ੍ਹ, ਵਿਜੇ ਕੁਮਾਰ ਵਾਸੀ ਗੋਬਿੰਦ ਨਗਰ ਅਬੋਹਰ, ਨਵੀਨ ਕੁਮਾਰ ਵਾਸੀ ਅਗਰਸੈਨ ਨਗਰ ਗੰਗਾਨਗਰ, ਸੁਨੀਲ ਕੁਮਾਰ ਵਾਸੀ ਸੈਕਟਰ 43 ਏ ਚੰਡੀਗੜ੍ਹ, ਅਸ਼ੋਕ ਕੁਮਾਰ ਵਾਸੀ ਸੈਕਟਰ 21 ਪੰਚਕੂਲਾ, ਸੁਖਜਿੰਦਰ ਸਿੰਘ ਵਾਸੀ ਪਿੰਡ ਬੀੜ ਰਾਊ ਕੇ, ਤਹਿਸੀਲ ਨਿਹਾਲ ਸਿੰਘ ਵਾਲਾ ਜਿਲਾ ਮੋਗਾ, ਪਿਤਾਬੀਰ ਵਾਸੀ ਸੈਣੀ ਵਿਹਾਰ ਬਲਟਾਣਾ, ਅਰਵਿਨ ਕੁਮਾਰ ਵਾਸੀ ਨਵੀ ਅਬਾਦੀ ਗਲੀ ਨੰਬਰ 7 ਅਬੋਹਰ, ਸੁਰਿੰਦਰ ਸਿੰਘ ਵਾਸੀ 9 ਜੇਤੀ ਇੰਨਕਲੇਵ ਚੰਡੀਗੜ੍ਹ, ਸੁਭਾਸ ਚੰਦਰ ਵਾਸੀ੍ਰਸੈਕਟਰ 20 ਪੰਚਕੂਲਾ, ਅਸ਼ੋਕ ਕੁਮਾਰ ਵਾਸੀ ਸੈਕਟਰ 20 ਪੰਚਕੂਲਾ ਅਤੇ ਰਾਜ ਬਹਾਦਰ ਵਾਸੀ ਨੇਪਾਲ ਵਜੋੱ ਹੋਈ ਹੈ। ਇਹਨਾਂ ਵਿਅਕਤੀਆਂ ਤੋੱ 25 ਲੱਖ 30 ਹਜਾਰ ਰੁਪਏ ਦੇ ਭਾਰਤੀ ਕਾਰਸੀ ਨੋਟ, 19 ਮੋਬਾਇਲ ਫੋਨ, ਤਾਸ਼ ਦੇ ਪੱਤੇ ਸਮੇਤ ਨੈਟ ਬੁੱਕ (ਪਰਚਾ ਬੁੱਕ), 7 ਕਾਰਾਂ ਅਤੇ ਇੱਕ ਐਕਟਿਵਾ ਬ੍ਰਾਮਦ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਕਾਬੂ ਕੀਤੇ ਵਿਅਕਤੀਆਂ ਤੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਇਨ੍ਹਾਂ ਤੋਂ ਕਈ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।
