ਬਟਾਲਾ : ਅਗਾਮੀ ਸ੍ਰੀ ਗੁਰੁ ਨਾਨਕ ਦੇਵ ਜੀ ਦੇ ਵਿਆਹ-ਪੁਰਬ ਮੌਕੇ ‘ ਚੜ੍ਹਦੀ ਕਲਾ ਗੱਤਕਾ ਅਖਾੜਾ ਮਾਨ ਨਗਰ ਵਲੋਂ “ਨਾਗਰਿਕ ਸੁਰੱਖਿਆ ਕੈਂਪ” ਸਥਾਨਕ ਅਹਿਮਦਾਬਾਦ ਤੇ ਬਾਉਲੀ ਇੰਦਰਜੀਤ ਵਿਖੇ ਲਗਾਏ ਗਏ।
ਇਸ ਮੋਕੇ ਪੋਸਟ ਵਾਰਡਨ ਹਰਬਖਸ਼ ਸਿੰਘ, ਪ੍ਰਧਾਨ ਹਰਪ੍ਰੀਤ ਸਿੰਘ ਜੌੜਾ ਸਿੰਘਾ, ਭਗਤ ਸਿੰਘ ਸ਼ੇਰੂ, ਪ੍ਰਭਜੋਤ ਸਿੰਘ ਖਾਲਸਾ, ਲਵਪ੍ਰੀਤ ਸਿੰਘ ਢਿੱਲੋਂ, ਗੁਰਸੇਵਕ ਸਿੰਘ, ਗੁਰਪ੍ਰੀਤ ਸਿੰਘ ਧੌਲਪੁਰ, ਮਨਪ੍ਰੀਤ ਸਿੰਘ, ਜਸਬੀਰ ਸਿੰਘ ਉਮਰਪੁਰਾ, ਰਵਦੀਪ ਸਿੰਘ ਬਾਜਵਾ, ਨਵਦੀਪ ਸਿੰਘ ਕਾਹਲੋਂ, ਹਰਮਨਪ੍ਰੀਤ ਸਿੰਘ ਖਤੀਬ, ਗੁਰਨੂਰ ਸਿੰਘ, ਮਹਿਕਦੀਪ ਸਿੰਘ ਤੇ ਬੱਚੇ ਹਾਜ਼ਰ ਸਨ।
ਇਸ ਮੌਕੇ ਪੋਸਟ ਵਾਰਡਨ ਹਰਬਖਸ਼ ਸਿੰਘ ਵਲੋਂ ਗੱਤਕੇ ਦੇ ਪ੍ਰਦਰਸ਼ਨ ਸਮੇਂ ਜੇਕਰ ਕੋਈ ਅਨਸੁਖਾਂਵੀਂ ਘਟਨਾ ਵਾਪਰ ਜਾਣ ‘ਤੇ ਮੁੱਢਲੀ ਸਹਾਇਤਾ ਬਾਰੇ ਜਾਣਕਾਰੀ ਦਿੱਤੀ ਕਿ ਕੱਟ ਲੱਗ ਜਾਣ, ਸੋਟੀ ਦੀ ਗੁੱਝੀ ਸੱਟ ਜਾਂ ਹੰਗਾਮੀ ਹਾਲਤਾਂ ਤੇ ਜੇਕਰ ਪੈਰ ਨੂੰ ਮੋਚ ਆ ਜਾਵੇ ਤਾ ਗਰਮ ਪੱਟੀ ਕਰਕੇ ਕੇ ਡਾਕਟਰੀ ਸਹਾਇਤਾ ਲਈ ਜਾਵੇ। ਹਮੇਸ਼ਾਂ ਪ੍ਰਦਰਸ਼ਨ ਕਰਦੇ ਸਮੇਂ ਮੁਢੱਲੀ ਸਹਾਇਤਾ ਬਾਕਸ ਨਾਲ ਰੱਖੋ। ਅਗੇ ਕਿਹਾ ਕਿ ਗੱਤਕੇ ਦੇ ਜ਼ੌਹਰ ਦਿਖਾਉਦੇ ਸਮੇਂ ਕਦੀ ਵੀ ਮਨ ਵਿਚ ਵੈਰ ਨਹੀ ਰੱਖਣਾ ਚਾਹੀਦਾ ਹੈ ਕਿਸੇ ਤਰਾਂ ਦੇ ਸਟੰਟ ਨਾ ਕੀਤੇ ਜਾਣ ਇਹਨਾਂ ਤੋ ਬਚਿਆ ਜਾਵੇ, ਨਾਲ ਹੋਰ ਨਾਗਰਿਕ ਸੁਰੱਖਿਆ ਸਬੰਧੀ ਸਾਂਝ ਪਾਈ ਤੇ ਰਾਸ਼ਟਰੀ ਸਹਾਇਤਾ ਨੰਬਰ 112 ਬਾਰੇ ਦਸਿਆ।
